मुस्ताङमा बस मोटरसाईकल ठोक्किदा मोटरसाईकल चालकको मृत्यु ,एक घाईते

मुस्ताङमा यात्रुवाहक बसले मोटरसाईकललाई ठक्कर दिंदा मोटरसाईकल चालकको मृत्यु भएको छ । मोटर साईकलको पछाडी बस्ने एक जना महिला घाईते भएको जिल्ला प्रहरी कार्यालय मुस्ताङले जनाएको छ ।

 बिहिबार साँझ मुक्तिनाथबाट पोखरातर्फ जाँदै गरेको ग २ ख ८३ नम्बरको यात्रुवाहक बस र थासाङ गाउँपालिका—३ लेतेबाट टुकुचेतर्फ आउँदै गरेको ग ७ प ५०२० नम्बरको मोटरसाईकल थासाङ—२  कोखेठाँडी नजिक राजमार्ग सडकको मोडमा एकआपसमा ठोक्किदा दुर्घटना भएको जिल्ला प्रहरी कार्यालय मुस्ताङका सूचना अधिकारी प्रहरी निरीक्षक सन्तोष बस्यालले जानकारी दिनुभयो । बस र मोटरसाईकल एकआपसमा ठोक्किएर दुर्घटना हुँदा मोटर साईकल चालक थासाङ गाउँपालिका—१ टुकुचे बस्ने २८ वर्षीय  प्रमाण थकाली गम्भिर घाईते भई प्रदेश अस्पताल जोमसोममा पु¥याउँदा उपचारका क्रममा चिकित्सकले मृत घोषणा गरेको प्रहरी निरीक्षक बस्यालले जानकारी दिनुभयो ।

 यसैगरी मोटरसाईकलको पछाडी बस्ने थासाङ गाउँपालिका—१ टुकुचे बस्ने  २५ वर्षीया अपेक्षा थकाली घाईते भएको प्रहरी निरीक्षक बस्यालले उल्लेख गर्नुभयो । घाईते थकालीको थप उपचारका लागि एम्बुलेन्समा राखेर पोखरा पठाईएको छ ।

 जिल्ला प्रहरी कार्यालय मुस्ताङका अनुसार दुर्घटनापछि बस र बसका चालक पोखरा महानगरपालिका ३३ बागमारा बस्ने २३ वर्षीय सन्तोष बिकलाई प्रहरीले नियन्त्रणमा लिएको छ ।

  दुर्घटनाका सम्वन्धमा थप अनुसन्धान भईरहेको  जिल्ला प्रहरी कार्यालय मुस्ताङले जनाईएको छ ।