मुस्ताङमा ६ करोड ८१ लाख बराबरको भेपसहित अवैंध सामान बरामद



जोमसोम—मुस्ताङमा करिव ६ करोड ८१ लाख बढीको अवैंध  सामान बरामद भएको छ । जिल्ला प्रहरी कार्यालय मुस्ताङले कोरलानाका हुँदै लुकाई छिपाई जोमसोमतर्फ ल्याउँदै गरेको लु १ ख ६९९९ नंम्बरको ट्रक विेशेष सुराकीको आधारमा शुक्रबार  जोमसोम स्थित एक्याप चेक पोष्ट नजिक खानतलासी गर्दा ६ करोड ८१ लाख बढीको अवैंध सामान बरामद गरिएको हो ।

मुस्ताङको उत्तरी कोरलानाका हुँदै बेनीतर्फ जाँदै गरेको  उक्त ट्रकमा भन्सार प्रज्ञापन पत्र   बिल बिजक बिनाको अवैंध सामाग्री ट्रकमा भेटिएको जिल्ला प्रहरीले कार्यालय मुस्ताङले जनाएको छ । मुस्ताङका प्रहरी प्रमुख डिएसपी सूर्यबहादुर बोगटीको कमाण्डमा प्रहरी कर्मचारी सुराकीका आधारमा चेकजाँच गर्दा ठुलो परिणममा विद्युतीय चुरोट (भेप)सहित दर्जनौ प्रकारका अवैंध सामाग्री भेटिएको डिएसपी बोगटीले बताए ।

प्रहरीले अवैंध रुपमा भन्सार प्रज्ञापन पत्र  तथा बिल बिजक बिनै बेनीतर्फ लैजादै गरेको अवस्थामा ट्रक खान तलासी गर्दा  १९ हजार थान विद्युतीय चुरोट (भेप)सहित  लत्ता कपडा,ईलेक्ट्रोनिक सामान,खाद्य पदार्थ,किराना सामान र पेय पदार्थ गरी १८ प्रकारका सामान बरामद गरेको डिएसपी बोगटीले उल्लेख गरे । विद्युतीय चुरोट (भेप)को लागत करिव ६करोड बराबरको रहेको जनाए ।

प्रहरीले अवैंध सामान ढुवानी गरिएको ट्रकसहित ट्रक चालक  तनहु म्यादे गाउँपालिका—५ बस्ने ३६ वर्षीय  बिष्णु थापा, ट्रकमा रहेका लोमान्थाङ गाउँपालिका—३ फुवा बस्ने ४१ वर्षीय टसी आङ्ग्या गुरुङ र ट्रकका धनी लोमान्थाङ—३ फुवा बस्ने ४० वर्षीय ध्याचो गुरुङले नियन्त्रणमा लिएको छ । उनीहरुलाई आवश्यक कारबाहीका लागि ट्रकसहित राजश्व अनुसन्धान विभाग हरिहर भवन काठमान्डौंमा पठाईएको जिल्ला प्रहरी कार्यालय मुस्ताङले जनाएको छ ।

प्रज्ञापनपत्र र बिल बिजक बिनाका सामानहरु: 

 १. ELFBAR RAYA D3 लेखिएको Lemon Lime ice भेप १९,०००( एक हजार नौ सय मात्र) थान,  (९५ वटा  ठुला कार्टुन जस भित्र साना २० वटा कार्टुन र प्रतेक साना कार्टुनमा १० वटा Lemon Lime ice भेप रहेको ) ।  

२. Soft लेखेको टिस्यु पेपर -३९ (उनान्चालिस) कार्टुन ।

३. हरियो रंगको कार्टुनमा Kang Brick लेखेको चिया पत्ति ५५ (पचपन्न) कार्टुन । 

४.V.S.Special Fine Brandy ८ कार्टुन (९६ बोतल) । 

५.खेरो रातो रंगको चाईनिज अक्षरमा लेखेको कम्ब्याट जकेट थान- २२ (बाईस) । 

६. बिभिन्न रंगका बख्खु टोपी (चाईनिज) थान-३३ (तेत्तिस) । 

७. बिभिन्न रंगका लेडिज स्वीटर थान-५ (पाँच)  । 

८.Rider Knee Pad थान-५० (पचास) । 

९.NAMMEILU NOUGAT लेखेको मिठाई ६९ (उनान्सत्तरी ) प्याकेट । 

१०.DROMSNO लेखेको मिठाई ५० (पचास)  प्याकेट । 

११.खैरो रातो रंगको कम्ब्याट जुत्ता १२ (बाह्र) जोर । 

१२.सेतो रंगको छुर्पि २० (बिस) प्याकेट । 

१३.चाईनिज कफि ३० (तिस) बट्टा । 

१४. चाईनिज बिस्कुट २५ (पच्चिस) प्याकेट ।

१५.Aosiman 1989 लेखेको ह्विस्की १ कार्टुन (१२ बोतल) । 

१६.बिभिन्न रंगका वाटर प्रुफ जकेट ५ (पाँच) थान । 

१७.पंहेलो रंगको सोलार लाईट थान १(एक) । 

१८.स्टिलको डब्बामा रहेको Beef २ (दुई) डब्बा । 

१९.स्टिलको कित्ली थान १(एक) । 

२०.Golden Oriole लेखेको प्लाष्टिक भित्र राखेको घ्युको प्याकेट थान २(दुई) । 

२१.कम्ब्याट जुत्ता फुल ६ (छ) जोर । 

२२. कम्ब्याट जुत्ता हाफ ८ (आठ) जोर ।

२३. कम्मरमा लगाउने बिभिन्न रंगको बख्खु १०(दश) थान । 

२४.South Korea Formula लेखेको मिठाई ८० (असी) प्याकेट । 

२५.बिभिन्न रंगका हातमा लगाउने  पञ्जा ८०(असी) जोर । 

२६.Matougiyi लेखेको पास्ता जस्तो देखिने बस्तु २४ (चौबिस) प्याक । 

२७.Beef Noodles लेखेको चाउचाउ २४ (चौबिस) प्याकेट । 

२८.Peach Juice( क्यानमा)  २४ (चौबिस) थान । 

२९. थुप्पा १२(बाह्र) प्याकेट । 

३०.बिभिन्न रंगका हाईनेक ३ (तिन) थान । 

३१.हरियो रंगको टिनको बट्टामा रहेको बिस्कुटको डब्बा २ (दुई) थान । 

३२.चुईगम १२ बट्टा । 

३३.बिभिन्न रंग र साईजका लेडिज र जेन्स जुत्ता २० (बिस) जोर । 

गरी जम्मा अं. रु गरी जम्मा रु ६,८१,२०,५१०।- (रु. छ करोड एकासी लाख बिस हजार पाँच सय दश रुपैया ) बराबरको सामान 




प्रतिक्रिया