पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
ई मुस्ताङ सम्वाददाता
७७ औं भारतीय गणतन्त्र दिवसको अवसरमा सांस्कृतिक कार्यक्रम देखाउन एक भारतीय कलाकारसहितको टोली शनिबार बेनी—जोमसोम सडकमार्ग हुँदै मुस्ताङ आईपुगेको छ । नेपाल स्थित भारतीय राजदुतावासको समन्वयमा दुतावासका चार जना प्रतिनिधिसहित भारतीय सांस्कृतिक कलाकार टोली मुस्ताङ आईपुगेको हो ।
भारतीय राजदुतावास अन्तर्गत भारत स्थित आसामको स्वामी विवेकानन्द कल्चर सेन्टरबाट कलाकार लगायतको नृत्य टोली मुस्ताङ आईपुगेको कलाकार टोलीका अगुवा मुकुट बोराले जानकारी दिनुभयो । मुस्ताङमा आसामको बिहु फोक नृत्य देखाउने गरी कलाकार,प्राविधिक र प्रतिनिधि टोली गरी १८ जना मुस्ताङ आएको टोलीका अगुवा मुकुट बोराले उल्लेख गर्नुभयो ।
यसगरी भारतीय गणतन्त्र दिवसको अवसर पारेर मुस्ताङमा आयोजना गरिएको कलाकारसहितको टोलीमा दुतावासका कार्यक्रम निर्देशक वासिङ मल्लिक र राहुल लगायत चारजनाको प्रतिनिधि रहेको छ ।
जिल्ला प्रहरी कार्यालय मुस्ताङका प्रहरी नायव उपरीक्षक छिरिङ किप्पा लामाले नेपाल सरकारसंग अनुमति लिएर सांस्कृतिक कार्यक्रम देखाउन भारतीय टोली मुस्ताङ आएको जानकारी दिनुभयो ।
भारतको आसामबाट मुस्ताङ आएका स्वामी विवेकानन्द कल्चर सेन्टरको टोलीले यहाँको घरपझोङ—२ माफा स्थित सामुदायिक समाजघरमा सांस्कृतिक नृत्य कार्यक्रम संञ्चालन गरेको हो । यहाँका पूर्व वाणिज्य मन्त्री रोमी गौचन थकालीको प्रमुख आतिथ्यतामा भारतीय कलाकारहरुले बिहु फोक नृत्य प्रदर्शन गरिएको छ । यहाँ भारतीय कलाकार टोलीले दुई वटा बिहु फोक नृत्य प्रस्तुत गरेका थिए । झन्डै एक घण्टा चलेको भारतीय सांस्कृतिक कार्यक्रमको पूर्ण वाणिज्य मन्त्री रोमी गौचन थकालीले उद्घाटन गर्नुभएको थियो ।
