मुस्ताङ : अस्पतालको अथक प्रयास समर्पणले जोगियो सुत्केरी र शिशुको ज्यान

जोमसोम— मुस्ताङको प्रदेश अस्पताल जोमसोमले एक सुत्केरी आमा र नवजात शिशुको ज्यान जोगाउन सफल भएको छ । गम्भिर प्रशवपछिको रक्तस्रावबाट जुधिरहेकी उपल्लो मुस्ताङकी ३० वर्षीय आमा र शिशुको प्रदेश अस्पताल जोमसोममा ल्याएपछि ज्यान जोगिएको हो ।

आईतबारको मध्यरात अध्यारो ,जब मुस्ताङ निदाउँदै थियो । त्यही बेला प्रदेश अस्पताल जोमसोमका चिकित्सक तथा स्वास्थ्यकर्मीहरुको टोली एक सुत्केरी आमा र नवजात शिशुको ज्यान जोगाउन संर्घषरत थिए । दुर्गमका चिकित्सक तथा स्वास्थ्यकर्मीहरु त्यती अनुभवी हुँदैन भन्ने भाष्यलाई प्रदेश अस्पतालका चिकित्सक तथा स्वास्थ्यकर्मीहरुले सुत्केरी आमा र नवजात शिशुको ज्यान जोगाएर एक ईतिहास रच्न पुग्ने ।

मुस्ताङ स्थित प्रदेश अस्पताल जोमसोमले यो सफलतालाई ‘एक थकित रात,तर, जीवनरक्षक सफलताः’ भनेको छ । कठिन भूगोलमा सुत्केरीपछि प्रशव रक्तस्रावबाट जुधिरहेकी ति सुत्केरी आमाको सफलतापूर्वक शल्यक्रियाँ तथा रगत चढाउने जस्ता जटिल कार्यहरु जिल्लामै सफल भएको भन्दै यसलाई ऐतिहाँसिक सफलकार्य भएको प्रदेश अस्पताले उल्लेख गरेको छ।

जोमसोमदेखि उत्तरतर्फ चीनको सीमानासंग जोडिएको लोमान्थाङकी ति सुत्केरी आमालाई गम्भिर समस्यापछि आईतबार मध्यराती १९ घण्टा लामो जोखिमपूर्ण यात्रापछि जोमसोम स्थित प्रादेशिक अस्पतालमा ल्याई पु¥याईएको थियो । अस्पताल ल्याउनु अघि प्रदेश अस्पताल जोमसोममा कार्यरत चिकित्सक डा. विशाल सापकोटासंग परामर्श लिईएको थियो । अस्पतालले परामर्शपछि प्रदेश अस्पताल जोमसोममा भर्ना गरिएकी सुत्केरी आमाको उपचारकार्यको चाँजोपाँजो मिलाईएको थियो । सुत्केरी आमालाई याकको रौबाट बनाईएको धागो र घरेलु चक्कुको प्रयोग गरी नवजात शिशुको गर्भनाल काटिएको थियो । चिकित्सकीय दृष्टिले जोखिमपूर्ण भएपनि तत्कालका लागि अन्य विकल्प नहुँदा घरेलु उपकरणका सहायता लिईएको थियो ।

मुस्ताङ स्थित प्रदेश अस्पतालको कठाृेर परिश्रम,सही समयको निर्णय र उत्कृष्ट समन्वयका कारण सुत्केरीपछि प्रशव रक्तस्रावबाट जुुधिरहेकी आमा र नवजात शिशुको जीवन सुरक्षित गर्न सफल भएको अस्पतालका चिकित्सक डा. विशाल सापकोटाले जानकारी दिनुभयो । रक्तस्रावको प्रशवमा जुधिरहेकी ति सुत्केरी  आमा घरमै सुत्केरी भएपनि पाठेघरमा नाल टाँसिएर बसेकाले झर्न नसकेको र रक्तस्राव भएर अचेत अवस्थामा जोमसोम स्थित प्रदेश अस्पतालमा भर्ना गरी उपचार सुरु गरिएको डा. सापकोटाले उल्लेख गर्नुभयो ।

 प्रशव रक्तस्रावबाट जुधिरहेकी सुत्केरी महिलाको हातबाट नाल निकाल्ने, शल्यक्रिया र रगत चढाउने जस्ता जटिल प्रक्रियाहरु एकै रातमा सम्हाल्ने गरी साहस र दक्षताका साथ अस्पतालका चिकित्सक तथा स्वास्थ्यकर्मीले कठिन मेहनत गर्नुभएको थियो ।

प्रदेश अस्प्ताल जोमसोम मुस्ताङको समर्पण ,जागरुक र जिम्मेवारीले आज फेरी जीवनको आशा फर्काएको  अस्पतालले उल्लेख गरेको छ । यस साहसिक र कार्यदक्षतापूर्ण कार्यमा अस्पतालका चिकित्सक डा. विशाल सापकोटा,डा. अशोक चापाई,ऐनेस्थेसिया सहायक बालकुमारी राना,स्टाप नर्स दिव्या जीसी,सुधा पौडेल,संगिता थापा तथा स्वास्थ्य सहायक कुशल नेपाली लगायतको टोली खटिएका थिए । 

यसैगरी पाठेघरमा नाल अड्किएर बसेको र प्रशव रक्तस्रावको समस्या झेलिरहेकी ति सुत्केरी आमाको रक्त परीक्षण, क्रस म्याचिङ तथा आपतकालीन रक्तदान सहयोग गर्ने अस्पतालमा कार्यरत ल्याब टेक्निसियन अनिता थापा, रक्तदाता अस्पताल फार्मेसी सहायक दीपक कुमार खत्री र अस्पताल नेत्र सहायक विज्ञान श्रेष्ठले रक्तदान गरेर पुण्यकार्यमा योगदान दिएका थिए । उनीहरुबाट सुत्केरी आमालाई ए प्लस ग्रुपको २ पोका रगत चढाईएको डा. सापकोटाले जानकारी दिनुभयो । शल्यक्रिया गरी नवजात शिशुको गर्भनाल निकाली सकेर रगत चढाएपछि अहिले आमा र शिशुको अवस्था सामान्य अवस्थामा फर्किएको डा. सापकोटाले उल्लेख गर्नुभयो ।

यसअघि मुस्ताङको प्रदेश अस्पतालमा गम्भिर प्रकृतिका बिरामीलाई उपचार गराउन त्यहाँका स्वास्थ्यकर्मीहरुले जोखिम मोल्न खोज्दैनन् । सामान्य जाँचपछि गम्भिर प्रकृतिका बिरामीले सिधै सुगमका अस्पतालमा रिफर गर्ने गरिन्थ्यो । पछिल्लो समय मुस्ताङको प्रदेश अस्पतालले सम्भव भएसम्मको गम्भिर प्रकृतिका बिरामीलाई जिल्लामै उपचार गरी सेवा पु¥याउन जुटेको छ ।

 दुुई साताअघि पछि प्रदेश अस्पताल जोमसोम मुस्ताङले घरपझोङ—५ ठिनी बस्ने २३ वर्षीय एक महिलाको सुत्केरीपछि अत्यधिक रक्तस्राव भई अस्पताल भर्ना गरिएको थियो । त्यसमय पछि प्रदेश अस्पताल जोमसोम मुस्ताङका चिकित्सक तथा स्वास्थ्यकर्मीहरुले सफलतापूर्वक शल्यक्रिया तथा एक व्यक्तिबाट अर्को व्यक्तिमा रगत चढाउने कार्य गरेका थिए । 

यसप्रकारको गम्भिर प्रकृतिका बिरामीहरुलाई आशिंक रुपमै भएपनि सफलतापूर्वक जिवनरक्षा गर्न सफल भएकोप्रति प्रदेश अस्पताल व्यवस्थापन समितिकी अध्यक्ष एवं जिल्ला समन्वय समिति मुस्ताङकी प्रमुख माया गुरुङले धन्यवाद व्यक्त गर्नु भएको छ ।