मुस्ताङमा ७९ दिनको (एनसिसी)तालिम सकियो, विद्यार्थीहरुमा उत्साह (फोटो (फिचर)

विद्यार्थीहरुलाई सैन्य अभ्यासका साथै असर नागरिक बन्ने प्रशिक्षण दिदै

जोमसोम—मुस्ताङमा राष्ट्रिय सेवा दल मध्य तालिम शिक्षालयद्वारा संञ्चालित सि.स. ५० औं जुनियर डिभिजन  (एनसिसी) तालिम दिईएको छ । मुस्ताङको जोमसोम स्थित नारायण दल गणको समन्वयमा मुस्ताङको जनहित माध्यमिक विद्यालयका ३४ जना  विद्यार्थीहरुलाई ७९ दिनको (एनसिसी) तालिम दिईएको हो ।

मुस्ताङको जनहित माध्यमिक विद्यालयलाई नारायण दल गण जोमसोमले विद्यार्थीहरुलाई (एनसिसी) तालिम दिन सिफारिस गरेको थियो । विद्यालय र गणको सहमतिमा जनहित माध्यमिक विद्यालयमा कक्षा ९ मा अध्ययनरत १८ छात्र र १८ छात्रा गरी ३६ जना विद्यार्थी छनौट गरी  गत असार १४ गतेदेखि एनसिसी तालिम अभ्यास सुरु गरिएको थियो । तालिम कार्तिक ३० गते समापन भएको  नारायण दल गणका गणपति प्रमुख सेनानी लेखनाथ कटुवालले जानकारी दिए ।

नेपाल सेना अन्तर्गत राष्ट्रिय सेवा दल (एनसिसी) तालिम अभ्यासमा विभिन्न क्रियाकलाप सहितको तालिम अभ्यास गराएको हो । छनौटमा परेका कुल ३६ विद्यार्थी मध्ये घरायसी समस्याका कारण २ जनाले तालिम लिन पाएनन् । नारायण दल गणको समन्वयमा मुस्ताङमा संञ्चालित सि.स. ५० औ जुनियर डिभिजन छात्र÷छात्रा एनसिसी तालिममा कुल ३४ जना विद्यार्थीले ७९ दिनको तालिम सफलतापूर्वक पुरा गरेको प्रमुख सेनानी कटुवालको भनाई छ ।  

राष्ट्रिय सेवा दल (एनसिसी) तालिम अभ्यासमा सैन्य अभ्यास,नेतृत्व विकास,शभ्य अनुसान,राष्ट्र प्रेमको भावना जागृत गराउने, व्यक्तित्व तथा नेतृत्व विकास,समय व्यवस्थापन, सहयोगी भावना पैदा गर्ने र आत्मविश्वाश जगाउने लगायतका क्रियाकलाप गरी तालिम अभ्यास प्रदान गरिएको हो ।

मुस्ताङको जनहित माध्यमिक विद्यालयका विद्यार्थीहरुलाई एनसिसी तालिम अन्तर्गत ड्रिल ,खुकुरी ड्रिल, तेक्वान्दो, एरोविक्स, व्यक्तित्वकला,स्याण्ड मोडल ब्रिफ्रिङ, फुटबल,भलिबल,दौड र सांस्कृतिक नाच लगायतका सिकाई अभ्यास गराइएको हो । तालिमका लागि गणको समन्वयमा जम राजु मानन्धर र हु धनबहादुर राउतले एनसिसी प्रशिक्षण दिएका थिए ।

 मुस्ताङमा ७९ दिनसम्म चलेको एनसिसी तालिममा शाखा विद्यार्थीहरुलाई नवलपरासीको बर्दीबासको क्याम्पमा लगेर २१ दिनको तालिम दिईने जनाईएको छ । त्यहाँको तालिमका लागि छात्रा ÷छात्रा आवासको समेत व्यवस्था गरिएको छ । बर्दीबासको क्याम्पमा हुने तालिममा भलिबल,फुटबल, स्याण्ड मोडल बिफ्रिङ लगायतका विविध गतिविधिका क्रियाकलापमा सहभागी गराईने छ । 

 विभिन्न जिल्लाका विद्यालयबाट आएका विद्यार्थीहरुलाई एनसिसी २१ दिने तालिमपछि स्याण्ड मोडल बिफ्रिङमा पहिलो हुने विद्यार्थीलाई विदेश जान पाउँछन् । यस्तै, तालिम अन्तर्गत व्यक्तित्व कलामा पहिलो हुनेले पनि विदेश जान पाउने अवस्था रहन्छ ।

७९ दिनको एनसिसी तालिम पुरा गरेकी जनहित कक्षा ९ की छात्रा सोनाम शेर्पाले गुरुहरुबाट  सैन्य अभ्यासका साथै असल नागरिक बन्ने प्रेरणा मिलेको बताईन । तालिम अवधिमा कतिपय अभ्यास निकै गारो हुने गरेको कतिपय कुराहरु अनुशासित र स्वालम्वन बन्ने शिक्षा प्राप्त भएको उनले उल्लेख गरिन् । 

यस्तै तालिममा सहभागी जनहितका छात्र अनुज पटेलले  भित्री ईच्छ्या शक्ति बोकेर काम गर्दा हरेक चिज सहज हुने बताए । तालिममा गारो अप्ठ्यारो र रमाईलो अनुभुती भएको उनले सुनाए । उनले विद्यालय शिक्षाका अलावा एनसिसी तालिमबाट भविष्यमा थप अवसर प्रदान हुने आत्मविश्वास पलाएको बताए ।

 मुस्ताङमा हिउँदयाममा अत्यधिक चिसोका कारण विद्यालयहरु बन्द हुने र तालिमपछिको लगत्तै वार्षिक परीक्षा संञ्चालन हुने भएकै कारण विद्यालय बिदापछि मात्रै शाखाका विद्यार्थी क्याडेटलाई नवलपरासीको क्याम्पमा लैजाने तयारी गरिएको छ ।

शाखा तालिम सकिएको र विद्यालयको परीक्षा तयारी चलिरहेकाले क्याम्पमा नगर्ईन्जेलसम्म एनसिसी तालिमका प्रशिक्षार्थीहरुलाई प्रशिक्षकहरुले समय मिलाएर तालिम दिने गरिएको छ ।