नेपालमा जापानी इन्सेफ्लाइटिस प्रकोप बढ्योः २३ जनाको मृत्यु, ११३ सङ्क्रमित

काठमाडौँ । नेपालमा जापानी इन्सेफ्लाइटिस प्रकोप बढ्दै गएको छ । जापानी इन्सेफ्लाइटिस अर्थात् मस्तिष्क ज्वरोको रुपमा चिनिने यो रोगबाट पुसयता २३ जनाको मृत्यु हुँदा ११३ जना संक्रमित भइसकेका छन् । 

यसको सङ्क्रमण लामखुट्टेको टोकाइबाट सर्छ । साउनदेखि कात्तिकसम्म बढी देखिने गर्छ । स्वास्थ्य विभागअन्तगर्त परिवार कल्याण महाशाखाका अनुसार ६ वटा प्रदेशका ३६ जिल्लामा जापानी इन्सेफ्लाइटिसको प्रकोप फैलिएको पाइएको छ ।

लुम्बिनी प्रदेशमा सबैभन्दा बढी ३७ जनामा पुष्टि भएको छ । बागमती १८, कोशीमा १७, गण्डकीमा १६, सुदुरपश्चिममा ९ र कर्णली प्रदेशमा दुई जनामा जेईको सङ्क्रमण पुष्टि भएको छ ।

त्यस्तै कोशी, मधेशमा ३–३ गरी २३ जना सङ्क्रमितको मृत्यु भएको छ । महाशाखाका अनुसार जापानी इन्सेफ्लाइटिसविरुद्ध १२ महिनाको उमेरमा नियमित खोप तालिकाअन्तर्गत एकल मात्राको रूपमा दिइन्छ ।