मुस्ताङको एक्लेभट्टी खाली बगरमा वृक्षारोपण



जोमसोम—राष्ट्रिय वृक्षारोपण दिवस २०८१ को अवसरमा मुस्ताङको वारागुङ मुक्तिक्षेत्र—४ एक्लेभट्टी बगरमा वृक्षारोपण गरिएको छ । डिभिजन वन कार्यालय मुस्ताङको आयोजनामा  स्थानीय जनप्रतिनिधि तथा कर्मचारी लगायतले शुक्रबार कालिगण्डकी नदी छेउको एक्लेभट्टीमा वृक्षारोपण गरिएको हो ।

मुस्ताङका प्रमुख जिल्ला अधिकारी जनकराज पन्तसहित जिल्ला स्थित सबै सुरक्षा निकायका प्रमुख,स्थानीय जनप्रतिनिधि र कार्यालयका कर्मचारीले एक्लेभट्टीको खुल्ला बगरमा वृक्षारोपण गरिएको हो । त्यहाँ भोटे पिपल लगायतका विरुवा रोपण गरिएको छ ।

वृक्षारोपणले कार्वन उत्र्सजनको न्यूनिकरण तथा वातावरण क्षति कम गर्दै कालिगण्डकी नदीको कटान रोक्न वृक्षारोपण कार्यक्रमले निकै ठुलो सहयोग पुग्ने मुस्ताङका प्रमुख जिल्ला अधिकारी जनकराज पन्तले उल्लेख गरे।