पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
ई मुस्ताङ सम्वाददाता
जोमसोम— आगामी माघ ११ गते हुँने राष्ट्रिय सभा निर्वाचनका लागि नेकपा एमालेकातर्फ प्रदेश कमिटी सदस्य एवं भौतिक पूर्वाधार तथा यातायात विभागका ईञ्चार्ज क. हेमन्त शेरचनले उम्मेदवारी दिने भएका छन् । नेकपा एमालेद्धारा आईतबार प्रकाशित विज्ञप्तीमा शेरचनको नाममा अपाङ्ग निर्वाचन क्षेत्र अल्पसंख्यक क्लस्टरमा परेको हो ।
यसअघि नेकपा एमालेले उक्त क्लस्टरबाट मेघराज आचार्य (कास्की) ,मिना बराम (गोरखा) र हेमन्त शेरचन (मुस्ताङ) गरी ३ जनाको नाम सिफारिस गरी केन्द्रमा पठाईएको थियो । योसंगै अन्य निर्वाचन क्षेत्र र महिला निर्वाचन क्षेत्र क्लस्टरबाट सिफासिर गरिएका (३—३) जना मध्ये स्याङ्जाका चत्रबहादुर पराजुली र सम्झना देवकोटालाई एमालेले गण्डकी प्रदेशबाट राष्ट्रिय सभा सदस्य उम्मदेवार बनाउने तय गरेको हो ।
मुस्ताङबाट एमालेबाट राष्ट्रिय सभा सदस्य उम्मेदवारका लागि छनौट भएका शेरचन यातायात व्यवसायमा आवद्ध छन् । थासाङ —३ लेते धम्पु घर भएका शेरचन सार्वजनिक यातायात केन्द्रिय महासघ नेपालका वरिष्ठ उपाध्यक्ष हुन् ।
राष्ट्रिय सभा सदस्य अन्तर्गत २० जना सदस्यको आगामी फागुन २० गते पदावधि सकिदैछ । सोही पदका लागि १९ सिटका लागि माघ ११ गते राष्ट्रिय सभा निर्वाचन हुन लागेको हो ।
राष्ट्रिय सभा सदस्यका लागि १ सिट सरकारको सिफारिसमा राष्ट्रपतिबाट मनोनित गरिने प्रावधान छ ।
