शान्ति सुरक्षासंगै नागरिक सचेतना र सामाजिक उत्तरदायित्व प्रति प्रतिवद्ध छु

धार्मिक तथा पर्यटकीय जिल्ला मुस्ताङमा विगत १० महिनादेखि कार्यरत छु ।यो पवित्र तपोभूमीमा प्रहरी प्रमुख जिम्मेवारी लिएर काम गर्ने अहोभाग्य पाउँदा मलाई निकै गौरान्वित महशुस भएको छ ।

समग्र मुस्ताङ जिल्लाको कुरा गर्दा यो जिल्ला देशकै अपराध कम हुने जिल्ला मध्ये एक हो । यहाँको कुल जनसंख्या करिव १४ हजार रहेपनि यहाँ स्थायी बसोबास गर्नेको संख्या ९÷१० हजार मात्रै छन् । यसैले पनि यहाँ अपराधजन्य घटना ज्यादै नगण्य छ । यद्यपी  मुस्ताङमा भित्रिने  कामदार तथा पर्यटकहरुबाट हुने संम्भावित अपराधका घटनाप्रति यहाँका प्रहरी चनाखो र सचेत छ । हिमालपारिका नागरिक आफैमा सम्भ र शालिन त छदैछन् उनीहरु हरेक समेत आफ्नो काममा व्यस्त रहने भएकाले पनि अपराधजन्य घटनाले प्रश्रय नपाएको हो भन्ने हाम्रो बुझाई छ । त्यसो त यहाँको प्रहरी निकायले स्थानीय नागरिकहरुलाई प्रवाह गर्ने विभिन्न जनचेतनामूलक कार्यक्रमहरुको योगदानले पनि मुस्ताङको समग्र शान्ति सुरक्षा र अपराध नियन्त्रण प्रभावकारी बन्न सकेको हो ।

मुस्ताङ जिल्ला सानो जिल्ला र जनसख्या पनि कम भएकाले यहाँका प्रहरीहरुको भूमिका खासै हुदैन भन्ने जनमानसको बुझाईलाई हामीले धेरै हदसम्म चिर्ने प्रयास गरिरहेका छौं । हामी यहाँ पक्कै सुस्ताएर बसेका छैनो, केही न केही गतिविधि गरेर प्रहरीले आफ्नो मानसम्मान ,इज्यत र गरिमालाई उचो हुने रचनात्मक तथा सृजनात्मक कार्यहरु गरेको र्छाें । हामी सकेसम्म शान्ति सुरक्षा भंग नहोस् र अपराधजन्य घटना हुदै नहोस भन्ने चाहन्छौं । यदी कथमकदाचित भईहाल्यो भने प्रहरी संम्वन्धि ठाउमा पुगेर घटनाको अनुन्धान,विवरण संकलन र कानुनको दायरामा ल्याउनका लागि कत्ति पनिपछि परेका छैनौ ।

 शान्ति सुरक्षा र अपराध नियन्त्रणका कार्यबाहेक पछिल्लो समय मुस्ताङ प्रहरीले अपराध न्यूनिकरणका लागि साईबर अपराध,लागु औषध,ट्राफिक सचेतना र सबै प्रकारका सामाजिक हिंसा न्यूनिकरण तथा रोकथामका लागि दिनहु जसो सचेतनामूलक कार्यक्रम भईरहेका छन् । हामी ५ वटै स्थानीय तहको समुदाय र विद्यालयमा पुगेर यो कार्यक्रम गरिहेका छौं ।

भिडियो कुराकानी हेर्न तलको लिंक क्लीक गर्नुहोला

https://fb.watch/sXRmW4a5vd/

 प्रहरी कार्यसम्पादनलाई थप प्रभावकारी बनाउन र नागरिक र प्रहरीको सम्वन्ध घनिभुत तुल्याउन जिल्लाका स्थानीय तहमा रचनात्मक तथा भौतिक सहयोग प्राप्त भईरहेको छ । सिसी क्यामेरा जडान र ट्राफिक बिट सौजन्य गर्ने स्थानीय तहले प्रहरीलाई साथ समर्थन र हौसला प्रदान गरेका छन् । यसमा मुस्ताङ प्रहरीको मनोबल उच्च भएको छ ।जिल्ला विपद् व्यवस्थापन समितिको मातहतमा रहेर मुस्ताङ प्रहरी विपद जोखिम न्यूनिकरण तथा यसको प्रतिकार्यका लागि हामी पूर्व तयारीमा चौबिसै घण्टा स्ट्यान्डबाई रहन्छ । जिप्रकामा २५ जना र ईलाका प्रहरी कार्यालयमा १५ जनाको विपद् प्रतिकार्य टोली मौजुद छ । केही परेमा हामी कुनै पनि बेला विपद् व्यवस्थापन र उद्दारकार्यमा तुरुन्तै पुग्न सक्छौं ।

 मुस्ताङ प्रहरीले पर्यटक तथा स्थानीय नागरिकहरुको स्वास्थ्य सुरक्षाका लागि बेलाबेलामा स्वास्थ्य शिविर पनि चलाउने गछौं  । दुर्गमको बस्ती शान्तामा पनि हामी पुगेर स्वास्थ्य शिविर, नागरिक सचेतना र राहत सामाग्री वितरण गरिसक्यौ । यो हाम्रो ठुलो उपलब्धि हो । प्रहरी निकायमा उजुरी दिन आउनेलाई कार्यालयलाई आवश्यक सहजीकरण गरिरहेको हुन्छ । सडक दुर्घटना र मादक पदार्थ बिक्री वितरणलाई पनि व्यवस्थित र मर्यादित बनाएकै कारण यहाँ सवारी दुर्घटना कम छ । यसैका कारण विगत ५ महिनादेखि हामी कहाँ कुनै उजुरी र गुनासो परेको छैन । 

हामीले मुस्ताङ भित्रिने पर्यटक तथा कामदारको डे टु डे रेकर्ड राख्ने गरेका छौं । सडक सञ्जालले पर्यटक तथा कामदारको आउजाउ बढेपनि यहाँको शान्ति सुरक्षा चुस्त ,भरपर्दो र पारदर्शी छ । नागरिक, समुदाय  र जनप्रतिनिधिहरुको मन जित्न मुस्ताङ प्रहरी सफल भएको छ ।