पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
ई मुस्ताङ सम्वाददाता
जोमसोम— मुस्ताङको घरपझोङ गाउँपालिकाले स्थानीय उत्पादनसंगै रैथाने बाली उवाको घरेलु रक्सीलाई ब्रान्डिङ गरी बिक्री वितरणको व्यवस्था गर्ने भएको छ ।घरपझोङ गाउँपालिकाको १४ औं गाउँसभा अधिवेशनमा आगामी आर्थिक वर्ष २०८१÷०८२ को नीति तथा कार्यक्रम गाउँसभामा प्रस्तुत गर्दै अध्यक्ष लालचनले यस्तो जानकारी गराएका हुन् ।
गाउँपालिकाले लोपोन्मुख अवस्थामा रहेको स्थानीय रैथाने बालीको संरक्षण तथा प्रर्वद्धन गर्नका लागि रैथाने बाली उवाको रक्सीलाई ब्रान्डिङ गर्ने नीति पालिकाले लिएको अध्यक्ष लालचनले गाउँसभामा सुनाए । यसले घरेलु मदिराको बिक्री वितरण तथा व्यवस्थापन, राजश्व वृद्धिका साथै स्थानीय कृषकहरुलाई थप रोजगारी सृजना गर्नमा समेत टेवा पुग्ने घरपझोङको नीति तथा कार्यक्रममा उल्लेख छ ।
यसैगरी घरपझोङको ५ वटै वडाहरुमा एक वडा एक कृष उपजको हब बनाउने गरी कार्यक्रममा ल्याउने उल्लेख छ । गाउँपालिकाले बाली बैंक र बीउ बैंकको स्थापना गर्ने जनाइएको छ ।
