पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सुन्दरकुमार थकाली
‘प्रचण्ड’ मुस्ताङ आउने
जोमसोम— नेपाल कम्युनिस्ट पार्टी (माओवादी) केन्द्रका अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड‘ माओवादी केन्द्रको जनजागर अभियानका क्रममा मुस्ताङ आउने भएका छन् । नेकपा माओवादी केन्द्र जिल्ला कमिटी मुस्ताङले बिहिबार आयोजना गरेको पत्रकार सम्मेलनमा यस्तो जानकारी दिईएको हो ।
माओवादी केन्द्रका अध्यक्ष एवं पूर्व प्रधानमन्त्री ‘प्रचण्ड’को मुस्ताङ भ्रमणको उद्देश्य र कार्यतालिका लगायतका बिषय यहाँका स्थानीय पत्रकारहरुलाई प्रेस मिट कार्यक्रम मार्फत जानकारी गराईएको हो ।
नेकपा माओवादी केन्द्रका केन्द्रिय कमिटी सदस्य कपिल लामा, माओवादी केन्द्रका प्रदेश सचिवालय सदस्य एवं समन्वय समिति संयोजक धिरेन्द्र ल्वागुन, गण्डकी प्रदेश कमिटी सदस्यहरु ङुटुक गुरुङ (टाईगर), जैकला विक. र विश्वप्रेम गुरुङ लगायतको उपस्थिती पार्टी अध्यक्ष एवं पूर्वप्रधानमन्त्री ‘प्रचण्ड’को आसन्न मुस्ताङ भ्रमण बारेमा मुस्ताङका पत्रकारहरुलाई जानकारी गराईएको हो ।
पार्टी अध्यक्ष एवं पूर्वप्रधानमन्त्री ‘प्रचण्ड’ जेठ २७ गते (मंगलबार) पोखराबाट सडकमार्ग हुँदै मुस्ताङ आउने कार्यतालिका रहेको पार्टीका सचिवालय सदस्य धिरेन्द्र विकले जानकारी दिनुभयो । जनतासंग माओवादी जनजागरण अभियानका क्रममा जनतासंग साक्षात्कार गर्न पार्टी अध्यक्ष एवं पूर्वप्रधानमन्त्री ‘प्रचण्ड’ मुस्ताङ आउने योजना रहेको सचिवालय सदस्य विकले उल्लेख गर्नुभयो ।
माओवादी अध्यक्ष एवं पूर्वप्रधानमन्त्री ‘प्रचण्ड’ले जेठ २८ गते (बुधबार) जनजागरण अभियानका क्रममा मुस्ताङका ५ वटै पालिकाका पालिका कमिटी सदस्यहरुलाई शपथग्रहण तथा पार्टी प्रशिक्षण गराउने कार्यतालिका रहेको छ । सोही दिन जिल्ला प्रशासन कार्यालय मुस्ताङको समन्वयमा जिल्ला स्थित सरकारी कार्यालयका प्रमुखहरुसंग छलफल तथा अन्तरक्रियाँका साथै सरकारी कार्यालयका प्रमुखलाई निर्देशन दिनुहुनेछ ।
त्यस लगत्तै फेरी नागरिक समाज मुस्ताङको अगुवाईमा जिल्ला स्थित संघसंस्था र सरोकारवालाहरुसंग जोमसोममा छलफल तथा अन्तरक्रियाँ कार्यक्रममा पार्टी अध्यक्ष ‘प्रचण्ड’ सहभागि हुने कार्यतालिका रहेको प्रदेश कमिटी सदस्य ङुटुक गुरुङ (टाईगर)ले जानकारी दिनुभयो ।
माओवादी केन्द्रका अध्यक्ष एवं पूर्वप्रधानमन्त्री ‘प्रचण्ड’को सम्मानमा साँझ स्थानीय सांस्कृतिक कार्यक्रम आयोजना गरिने भएको छ ।
माओवादी अध्यक्ष ‘प्रचण्ड’ले त्यसको भोलीपल्ट जेठ २९ गते बुधबार बिहान घरपझोङ—३ स्याङबाट जोमसोम स्थित कालिगण्डकी मोटरेबल पुलसम्म मर्निङ वाक गर्नुहुनेछ ।
त्यस लगत्तै पार्टी अध्यक्ष ‘प्रचण्ड’ले मुस्ताङको घरपझोङ गाउँपालिका—४ जोमसोमदेखि एक किलोमिटर उत्तरतर्फको भ्रप्सामा निर्माण गरिने नेकपा माओवादी केन्द्र मुस्ताङको पार्टी कार्यालय भवनको पार्टी अध्यक्ष एवं पूर्वप्रधानमन्त्री ‘प्रचण्ड’ले शिलन्यास गर्नुहुनेछ ।
