जिप्रका मुस्ताङ हिरासतमा पुस्तकालय स्थापना



जोमसोम—जिल्ला प्रहरी कार्यालय मुस्ताङमा  अनुसन्धानको क्रममा हिरासतमा रहने थुनुवाहरुलाई लक्षित गरि हिरासत पुस्तकालय निर्माण गरि स्थापना गरिएको छ ।

मुद्धा अनुसन्धानको शिलशिलामा थुनुवाहरु हिरासतमा बस्दा मानसिक तनाब ब्यबस्थापनमा सहज होस भन्ने अभिप्रायले सो पुस्तकालय स्थापना गरिएको हो ।

पुस्तकालयमा कानून, ऐन नियम, कथासंग्रह, सामान्य ज्ञान, उपन्यास, प्रहरी गतिबिधि र अन्तराष्ट्रीय लेखकहरुका पुस्तकहरु र अन्य विभिन्न बिधाका पुस्तकहरु समेत गरि  २२७ थान पुस्तकहरु पुस्तकालयमा  राखिएको छ ।

यस कार्यले कार्यालय तथा मातहत प्रहरी ईकाईहरुमा कार्यरत प्रहरी कर्मचारीहरुलाई डिउटी नभएको अबस्थमा र नेपाल प्रहरीले आब्हान गरेको खुल्ला प्रतियोगितामा आन्तरिक परीक्षामा तयारीको लागि समेत पुस्तकहरुले टेवा पुर्याउने बिश्वास छ ।

पुस्तकालयमा रहेका २२७ थान पुस्तकहरु मध्ये १४७ थान विभिन्न बिधाका पुस्तकहरुको सहजीकरण मुस्ताङ जिल्लाका प्रदेश सभा सदस्य माननीय बिकल सेरचनले गर्नु भएको थियो ।